قرآن مجید کے چار قل (4 Qul)

روایت: ام المومنین حضرت عائشہ صدیقہ (رضی اللہ عنہا)

"رسول اللہ (ﷺ) جب ہر رات اپنے بستر پر تشریف لاتے تو دونوں ہاتھوں کو جوڑ کر ان میں پھونکتے اور سورۃ الإخلاص، سورۃ الفلق اور سورۃ الناس پڑھ کر اپنے سر، چہرے اور جسم کے اگلے حصے پر جہاں تک ہاتھ پہنچتا ملتے تھے۔ آپ (ﷺ) ایسا تین مرتبہ فرماتے تھے۔"

روایت: حضرت عبداللہ بن خبیب (رضی اللہ عنہ)

"رسول اللہ (ﷺ) نے فرمایا: 'صبح اور شام تین مرتبہ قُلْ هُوَ اللَّهُ أَحَدٌ اور معوذتین (سورۃ الفلق اور سورۃ الناس) پڑھ لیا کرو، یہ تمہیں ہر چیز (اور ہر بلا و آفت) سے کافی ہو جائیں گی۔'"

روایت: حضرت ابو سعید خدری (رضی اللہ عنہ)

"نبی کریم (ﷺ) نے صحابہ سے فرمایا: 'کیا تم میں سے کوئی اس بات سے عاجز ہے کہ رات کو ایک تہائی قرآن پڑھ لے؟' صحابہ نے عرض کیا: یہ کس کے بس میں ہے؟ آپ (ﷺ) نے فرمایا: 'سورۃ الإخلاص ایک تہائی قرآن کے برابر ہے۔'"

روایت: حضرت عقبہ بن عامر (رضی اللہ عنہ)

"رسول اللہ (ﷺ) نے فرمایا: 'مجھ پر ایسی آیات نازل ہوئی ہیں جن کی مثل کبھی نہیں دیکھی گئی: یعنی قُلْ أَعُوذُ بِرَبِّ الْفَلَقِ اور قُلْ أَعُوذُ بِرَبِّ النَّاسِ۔'"